الرطوبه
عندك المشكلة دي ؟
النشع في الحيطة بيكون لسبب من اتنين ..
يا إما في مصدر للمياه ..
يعني تسريب في السباكة عندك أو عند جارك ..
و في الحالة دي هتحل مشكلة السباكة الأول و بعدين تنزل البياض من ع الحيطة و تعيد المعجون و النقاشة ..
و بكدة انتهت المشكلة .. الحالة التانية هي الأصعب ..
و هي حالة الرطوبة ..
في الحالة دي مش بيكون في تسريب ..
لكن البياض بيقع بسبب واحد من التلات أسباب دول ..
يا إما رطوبة الجو في أماكن معينة ..
و غالبا ده بيكون في الدور الأرضي ..
أو بسبب زيادة نسبة الأملاح في المواد اللي استخدمت في البناء زي الطوب أو الأسمنت ..
أو بسبب استهلاك زايد عن اللزوم للمياه في الشقة أثناء مرحلة التشطيب بشكل عام ..
المياه دي بتتخزن تحت الأرضية و بتنتقل بعد كده بالخاصية الشعرية إلى الحوائط مع مرور الوقت ..
في الحالة الدي مهما فضلت تعيد في المعجون و النقاشة المشكلة مش هتنتهي ..
الحل في الحالة دي هيكون على أربع خطوات :
1- لازم تنزل البياض الأول
2- هتجيب عامل يسخن الحائط باستخدام البشبوري
3- بعدين تعزل الحائط بالبيتومين
4- بعد كده تشتغل بياض و معجون و نقاشة ..
و إن شاء الله المشكلة هتنتهي .. و بشكل عام لو انت لسه بتشطب شقتك جديد .. في دلوقتي حاجة اسمعها المعجون الاسمنتي بيستخدم قبل المعجون العادي .. و ده قدرته على مقاومة الرطوبة عالية .. و بنسبة كبيرة هيحميك من المشكلة دي قدام ..
تعليقات: 0
إرسال تعليق