(شغل الاستر النظيف) يعنى ايه استر شغل عالى وكان زمان ازاى ؟؟؟؟ استر... يعنى امسك حته النجارة اصنفرها مظبوط بدرجتين صنفرة عالاقل وانضفها ويبقى معايا مبرد وازميل للزيادات ...
استر ...يعنى كنا نغسل الارو والزان والبلوط اكسجين عشان اوحد الالوان وعشان لما ابطن يبقى كله لون واحد....
الاستر القديم ..يعنى مفيش حاجة اسمها رش لون بسيلر وكان اعتمادك كله عاالبطانة وتركز فى اللون المطلوب وتقعد تعملها بحرص وتعملها بكذه لون عشان توصل للدرجة المطلوبة وتعمل حساب الخدمة وخصوصا تعسيل الجوملاكة وتأثيرها عاللون .. .
استر...يعنى كنت تشتغل بخفاف وفوماطة للشغل المغسول وهيتشطب على لونه وتشتغل بجوملاكة بيضة ..
استر ...يعنى لو شغل ملزوق قشرة كان يتغسل ويتقشط ويبقى نظيف جدا من اى غراء قبل ماتشتغل فيه...
استر...يعنى تعمل حتة معجون نفس اللون بالظبط وتجرب حته وتسيبها تنشف وتديها جوملاكة وتشوفها مظبوطة ولا عايزة حاجة ..
استر....يعنى وانت بتصنفر المعجون تبقى حريص جدا ان الشغل مايسلخش منك او تكشف السوك ولو حصل حاجة بيتعملها حاجة اسمها (شوماطة) وتلون بيها الحتت الكاشفة قبل التشطيب.... معلش طولت عليكم وللكلام بقية وبأكد ده شغل الاستر النضيف بتاع زمان ودلوقتى فى اساسياته عشان عارف انى هلاقى حد بيقول فين ايلى هيقدر الكلام ده وهيدفع ...
انا بتكلم عن الشغل الصح بصرف النظر عن اى شئ ..
تسلم انزل بالمون والتضريب حتي ولو عينات مع تعريف الشوماطه يعني ايه ع الطبيعه
ردحذف