#ازاي_تشتغل_سقف_معلق
انواع الاسقف المعلقة المتداوالة
• سقف جبيسوم بورد
1) نوع عادي ابيض
2) نوع مقاوم للرطوبة ( اخضر )
3) نوع مقاوم للحريق ( احمر )
• بلاطات جبسية ( ارمسترونج )
بلاطات ذات مقاسات مختلفة من الجبس والفيبر جلاس محاطة بورق حماية من الفينيل ,,
منها مقاسات ( 60 * 60 ) & ( 60 * 120 ) & ( 120 * 120 ) .
عشان اعمل اي النوعين دول لازم اعمل شاسية يشيل بلاطات الجبس دي ايا كان مقاسها
اول حاجة بتــدور ع الشيرب
اللي اشتغلت منه كل البنود اللي قبل كدة وتطلع منه لحد منسوب السقف المعلق سقف الخرسانة منسوبة 3.40 & سقف المعلق منسوبة 3.00 & الشيرب 1.00
يبقي هطلع من الشيرب 2.00م واشد خيط او اعلم بشيكليم ع الاربع اضلاع للفراغ بتاعي واثبت زاويـــة حرف L في حالة سقف الارمسترونج ,,, بزود عليهم ارتفاع الاوميجا وتخانة الواح الجبس ( 3.8 سم ) في حالة الجبيسوم بورد ..
وبعد كدة بركب وسيلة تعليق مناسبة ودي بتكون حاجة من 3 :-
1) سلك تعليق
2) تيــــش وهو سيخ حديد مقلوظ سمكة 6& 8 مم
3) زاوية حرف L
بعد كدة بركب الشبكة الرئيسية واثبتها في وسيلة التعليق والزاوية ,, وبعدين اركب الشبكة الثانوية ودي بيتم تثبتها في الشبكة الرئيسية ..
#في_حالة_الجبيسوم_بورد
الشبكة الرئيسية بتكون قطاع C Channel بيتم تثبيتة في التيش بواسطة كلبس او وردة وفي زاوية الركن بمسامير ودا بيكون كل 120 سم .
والشبكة الثانوية بتكون قطاع OMEGA Channel بيتم تثبيتها في C Channel بواسطة كلبس ,, ودا بيكون ع مسافات 60 سم
وبعد كدة بركب الواح الجبس وبثبتها في الاوميجا بمسامير تثبـيت بتكون صف بيتكرر مع تكرار الاوميجا ( كل 60 سم )
بعد كدة بستخدم fiber tabe في اماكن الفواصل .. وامعجن السقف كلة وادي الدهانات اللي انا عايزها ..
#في_حالة_الارمسترونج
الشبكة الرئيسية بتكون T360 وهي عبارة عن قطاعات T Section طولها 360 سم يتم تعليقها في التيش بوردة او عصفورة وتثبيتها ع زاوية الركن .
الشبكة الثانوية بتكون T120 طولها 120 سم بيتم تثبيتها في T360 ع مسافات كل 60 سم وبيتم وضع T60 طولها 60 سم في منتصف T120 .
وبكدة اكون عملت شبكة مكونة من مربعات 60 * 60 سم بركب فيها البلاطات
تعليقات: 0
إرسال تعليق