من هو محمد المعداوي
في ظل التقدم الفكري لمجتمعنا لكننا لاذلنا متخلفين حتي الأن والتخلف لم يقتصر علي العلم ولكن علي طريقة التفكير فجميع الآبا تريد من ابنائها ان يصلو في علمهم الي الطب اوالهندسة ويستنكر مجمتعنا اصحاب الحرف ونسوا ان المهندس لايستطيع تنفيذ مختطاتة بدون صاحب الحرفة لذلك سنستضيف كل يوم صاحب حرفة يعلمنا مما تعلم من خبراتة التي اكتسبها في مزاولة مهنتة واليوم سيكون ضيفي ،
الفنان ؟
_محمد الحسانين المعداوي ٠
*المهنة ؟
_نقاش.
*ياتري في فرق بين النقاش وفني الديكور ؟
_ الفرق بين النقاش والفني . النقاش اختصاصا ته محدوده شغل تأسيس وبطانه وتشطيب وممكن يشتغل في الديكورات . لكن الفني بيكون اكثر تعمقا . بمعنى انه بيشتغل في التأسيس لكنه عارف الخامه اللي بيأسس بيها تصلح لشغل ايه وايه البديل لها . الفني ملم اكتر بالصنعه بياخد دورات بيدور دايما ع الجديد . دراسة الخامات لوحدها تكفيه انه يكون فني .
*ايه دور مهندس الديكور وهل يمكن الاستغناء عنة؟
_ مهندس الديكور ليه دور كبير معانا . طبعا عمله اكاديمي اكتر . يعني بيكون ليه فكر مختلف عننا . يعني ممكن يركب لونين جمب بعض مش متناسقين خالص بس يبقوا كويسين وعاملين روح للمكان . دا غير ان دراسته بتتيح ليه دور كبير في الاضائه والاعمال الجبسيه والخشبيه . . يعني هو بيكون ليه ادوار كتير عننا في الديكورات لكن النقاش والفني ليهم اختصاص واحد فقط وهو الدهان .وبرده في حرفيين للاعمال الجبسيه والخشبية واغلب الزباين بتفضل تعتمد علي الحرفيين بالتنسيق معاهم توفيرا للفلوس لكن غياب المهندس لايؤثر في العمل ووجوده يضيف اكيد فكلنا دائرة تكمل بعض
*اكيد في كل شغل فية عيوب ومميزات عرفنا ايه عيوب شغلك واية مميزاته؟
_زي ما بيقولوا مافيش حلاوه من غير نار . عيوب صنعتي اني معظم الوقت بكون بين مواد كيماويه وصبغات وتراب صنفره . كل العوامل دي بتأثر على صحة النقاش . ومعظمنا هاتلاقيه بيكح وعنده التهاب رئوي .
لكن ميزة صنعتنا انها شيقة . كل ماتشطب شغل وتطلع الوانه حلوه بتبقى عاوز تشتغل تاني وتعمل حاجه حلوه تانيه وبتعلم ناس وبتتعلم من ناس ممكن زبون يديلك فكرة جديده وممكن وانت شغال تبتكر حاجه جديده بتساعد علي الابتكار والرقي .
*بالنسبة للخطورة اللي بتلاقوها في صنعتكم زي تواجدكم بين مواد كيميائية خطيرة بتؤثر علي صحتكم ياتري متوفرليكم معاشا ت اوتامينات ؟
_للائسف مكنش فية تامنيات ولامعاشات بالرغم من اننا معرضين للخطر في اي لحظة من المواد الكيمائيه وتاثيرها علي صحتنا ومن السقايل اللي بنشتغل عليها النقاش معرض للكسر او الموت في بعض الحالات ومعندناش غير صحتنا اللي بتعول اسرنا يعني لونقاش اتكسر ونام في بيتو مش هيلاقي حد يصرف علية اوعلي عيلتة لكن في الفتره الحاليه الجمعيه الخاصة بالنقاشين وفرت التامينات على الحياه بمبلغ سنوي تقريبا وبنتمني يكون في معاشات وتامينات صحية في الفترات القادمة .
*كلمة منك بصفتك صاحب حرفة لكل الناس اللي بتشوف ان الحرفي ملوش يد في تطور البلد ونجاحها وان اصحاب المؤهلات العلية هم الاهم ؟
_احب اوضح للناس ان التعليم شي مهم وانك تكون صاحب شهادة تفتخر بيها شي اهم بس مايمنعش انك تكون صاحب مؤهلات عالية وتكون صاحب حرفه تزود بيها دخلك و٨٠%من اصحاب الحرف معاهم مؤهلات عليه لانهم فاهمين ان الحياة علم وعمل زي الاجانب كده تلاقي الدكتور بالنهار شغال سواق بالليل مش بيضيعو وقت ولابيتكبرو علي الشغل وبردة صاحب الحرفه حتي لومعندوش مؤهل اوشهادة ليه كل التقدير يكفي انه مبتكرفي مجاله وكمان بيشغل وبيتعب وبياكل لقمته بعرق جبينة مش بيسرق .
*لوتحدثنا من الان حتي،الف عام لن نكتفي بالحديث عن الحرفيين ورقي مايقدموة ولكن في ختام فقرتنا اليوم نتمني تعرفنا احدث صيحه في الالوان واية الموضة السنه دي؟
_الالوان موجوده على طول الزمان لكن الموضه بتختلف من فتره لفتره وبتجدد نفسها كل شويه . الالوان الحديثه زي الؤلؤي الاوف وايت والديب كافيه والكاردامم والموورننج ديو . وفي الوان مش صريحه بتبقى مش عارف هو بيج ولا رصاصي .
اللي هيه مشتاقه من الاوف وايت . او الوان الكافيه .
من اهم اعماله
من اهم اعماله هو تعليم شغل الايبوكسي في الارضيات الثري دي واول من قام بعمل شغل الثري دي رسم ع الجدران
بالتوفيق🌹❤️
ردحذف